Ўзбекистонлик Нигина Абдураимова Япониянинг Куруме шаҳрида якунига етиб бораётган, мукофот жамғармаси 50 минг долларга тенг ITF туркумидаги теннис турнирининг финалига чиқди.
Халқаро теннис федерацияси расмий сайтининг маълум қилишича, 21 ёшли ўзбекистонлик теннисчи ярим финалда россиялик Ксения Ликинага қарши баҳс олиб борди. Бир соату 21 дақиқа давом этган беллашувда 6:1, 6:3 ҳисоби қайд этилиб, Абдураимова фойдасига ҳал бўлди.
WTA рейтингида 219-ўринда бораётган ўзбекистонлик теннисчи турнирнинг бош соврини учун мезбонлар вакиласи, дунё рейтингида 272 поғонани эгаллаб турган Кёка Окамурага қарши кортга чиқади.
Эслатиб ўтамиз, Нигина Абдураимова бунгача франциялик Жосефин Буалемни 6:4, 7:6, япониялик Канаэ Ҳисамени 4:6, 6:3, 6:1 ҳамда британиялик Кэти Данни 6:4, 6:3 ҳисобида таслим қилганди.
Изоҳ (0)