Россия пойтахтидаги 1,2 мингта тез ёрдам бригадаси ва шошилинч ёрдам бўлинмаси кузда 1,4 мингта планшет билан жиҳозланади. Улар тиббиёт ходимлари қўлқопни ечмай гаджетлардан фойдаланишига имкон берувчи стилусларга ҳам эга бўлади. Бу ҳақда «ТАСС» хабар бермоқда.
Янги қурилмалар Москва ягона тиббий ахборот-таҳлил тизимига интеграциялашади, бу эса тез ёрдам ходимлари беморларнинг электрон карталарига киришига ёрдам беради. Шифокорлар йўлдаёқ беморнинг аллергияга мойиллиги, сурункали ва бошқа касалликлари ҳақидаги маълумотга эга бўлади.
Қурилмалар ўта мустаҳкам ва фавқулодда шароитларга бардошли бўлиши кўзда тутилган. Зарбага қарши гаджетлар 10 соат қувватланишсиз ишлашга имкон берувчи сиғими кучли батареялар, Wi-Fi ва 3G модуллари билан жиҳозланади.
Маълумот учун, Москвадаги тез ёрдам бригадаларида 10 мингдан зиёд ходим меҳнат қилади, улар кунига 12 минггача ташрифни амалга оширади.
Изоҳ (0)