Ўзбекистоннинг аксарият ҳудудларида 15 май, якшанба куни қисқа муддат ёмғир ёғиши мумкин. Бу ҳақда «Ўзгидромет» маркази хабар бермоқда.
Хабар беришларича, 15 майга ўтар кечаси Ўзбекистоннинг тоғли ҳудудларида ҳаво ҳарорати +7...+12 даража, Тошкент шаҳрида +15...+17 даража, қолган ҳудудларда +13...+20 даражагача илиқ бўлади.
Якшанба куни кундузи Ўзбекистоннинг тоғли ҳудудларида ҳаво ҳарорати +13...+18 даража, Фарғона водийси вилоятлари ва Тошкент шаҳрида +27 даражагача, Қорақалпоғистон Республикаси, Хоразм, Тошкент, Самарқанд, Жиззах, Сирдарё вилоятларида +28 даражагача, Бухоро, Навоий, Қашқадарё ва Сурхондарё вилоятларида +30 даражагача илиқ бўлади.
15 май куни Қорақалпоғистон Республикаси, Хоразм, Бухоро ва Навоий вилоятларида ёғингарчилик кутилмайди. Тошкент шаҳрида вақти-вақти билан қисқа муддатли ёмғир ёғиши, момақалдироқ бўлиши мумкин. Қолган ҳудудларда вақти-вақти билан ёмғир, момақалдироқ бўлиши, шамол тезлиги эса сониясига 15—20 метргача кучайиши мумкин.
Изоҳ (0)