GM Uzbekistan қўшма корхонасининг Андижон вилояти Асака шаҳридаги заводида янги автомобиллар иштирокида «25 UZ» ёзуви ҳосил қилинди. Бу ҳақда «Камолот» ёшлар ижтимоий ҳаракатининг Facebook саҳифасида хабар берилди. Бу Ўзбекистон мустақиллигининг 25 йиллиги муносабати билан ўтказилаётган «25» акцияси доирасида амалга оширилди.
Суратларда Cobalt автомобиллари иштирокида «25 UZ», Matiz’лар ёрдамида эса «25» рақами ҳосил қилинганини кўриш мумкин.
Шунингдек, GM Uzbekistan заводининг фаолияти ҳамда ушбу акциянинг амалга оширилиши акс этган таъсирли видео «Камолот» сайтига жойланган.
Эслатиб ўтамиз, аввалроқ Андижон давлат университети Физика-математика факультети талабалари Ўзбекистон Мустақиллигининг 25 йиллигига бағишлаб, рангли сув тўлдирилган стаканлардан давлат байроғини ясаган эди.
Маълумот учун, Ўзбекистоннинг турли бурчакларида мамлакат Мустақиллигининг 25 йиллигига бағишлаб «Ватанимга дил изҳори» акциялари ўтказилмоқда ва унинг иштирокчилари томонидан асосан 25 сони турли йўсинда акс эттирилмоқда.
Изоҳ (0)