Kiss me даъвати ёзилган футболка кийган тошкентлик қизнинг кўчага чиқишига акаси рухсат бермади

Тошкентлик мактаб ўқувчиси Kiss me («Мени ўп») деган ёзувли футболка кийиб, кўчага чиқмоқчи бўлганида акаси бунга қаршилик билдирди. «Истеъмолчи» нашрида қайд этилишича, ўқувчи қиз тушунмаган ҳолда шундай футболкани сотиб олган, дея хабар беради «1news.uz».

«Бугун кўча-кўй, майдонлар, истироҳат боғлари, жамоат транспорти, хуллас, турли жойларда айрим ёш йигит-қизларнинг кўксига хориж сўзлари ёзилган либосларда бемалол юришганига кўзингиз тушади. Ваҳоланки, бу ‘бемалол’лик тил биладиганларнинг лаб буришию истеҳзоли табассумига сабаб бўляпти. Чунки ёрқин ранглардаги, бир қарашда кишини ўзига жалб этадиган ушбу кийимларга I am alone («Мен ёлғизман»), Call me («Менга қўнғироқ қил»), I want you, you want me («Мен сени хоҳлайман, сен мени») сингари сўзлар ёзилган», дейилади мақолада.