Электромобиль ва ҳеч қандай ёқилғи сарфламасдан қуёш нурида ҳаракатланадиган автомобиль прототипини яратган Андижон машинасозлик институтида лаборант бўлиб ишлайдиган Ойбек Умаров айни пайтда Тошкентда ўтказилаётган IX Инновацион ғоялар, технологиялар ва лойиҳалар республика ярмаркасида Андижон машинасозлик институти номидан ўз лойиҳаси билан иштирок этмоқда. Бу ҳақда «Қалампир» нашри хабар берди.
ЎзА ёзишича, жорий йилги ярмаркада тақдим этилган қарийб 650 та янги лойиҳанинг 70 дан ортиғи ёш олимлар ва талабаларга тегишлидир. Бу Инновацион ғоялар, технологиялар ва лойиҳалар республика ярмаркасида намойиш этилаётган янгиликларнинг 130 таси саноат, 116 таси қишлоқ хўжалиги соҳасидаги долзарб вазифаларни ҳал этишга қаратилган. 130 дан зиёд ишланма ва илғор технологиялар соғлиқни сақлаш ва фармацевтика учун мўлжалланган, 89 таси ахборот технологиялари, яна 34 таси илм-фан ва таълим соҳасидаги янги дастурий маҳсулотлардир.
Изоҳ (0)