Стандарт контент билан Google Street View контентининг монандлиги, LG’дан янги камера мобил экотизимда 360 градусли контент яратиш учун асос бўлиб хизмат қилади.
Ўтган ҳафтада Mobile World Congress кўргазмасида LG 360 CAM’ни тақдим этгач, LG Electronics (LG) компанияси мобил ускуналар ёрдамида 360 градусли визуал контент яратиш ва фойдаланишга бўлган қизиқишнинг ортишини кутмоқда. LG 360 CAM ва G5 смартфони каби қулай нархли ҳамда харидор эҳтиёжларидан келиб чиққан ускуналарнинг истеъмолга чиқарилиши 360 градусли контентни яратиш ҳамда фойдаланишни йўлга қўйиш худди тугмаларни босишдек осон бўлади.
Аксарият телефонлар камераси фақатгина панорама режимига эга бўлган бир пайтда, 360 градусли шарсимон (сферик) тасвирлар ва видеолар кўринган барча нарсалар, жумладан замин ва осмонни ҳам, эгаллаган ҳолда уларнинг яратилиш даражасини юксалтиради. Ўзининг ихчам портатив ҳажми ҳамда юқори аниқликдаги тасвирлари билан LG 360 CAM 360 градусли контент яратиш борасидаги ўсиб бораётган тенденцияда афзалликка эга бўлган тасвирларни қайта ишлаш ускунаси ҳисобланади.
Бундан ташқари, бу смартфонлар ишлаб чиқарувчисидан Google (OSC) сферик камераси очиқ интерфейсини қўллаб-қувватловчи Google Street View учун мослаштирилган биринчи камера ҳисобланади. iOS ёки Android’га ўрнатилган Google Street View бепул дастури ёрдамида LG 360 CAM эгалари тўғридан-тўғри ўз телефонлари орқали 360 градусли контентлари билан осонгина суратга олиш, юклаш ва бўлишиш имкони мавжуд. Бунда файлларни зарур форматга солиш учун уларни қайта ишлаш каби даҳмазаларга ҳожат бўлмайди.
LG 360 CAM учта ички микрофонга эга ҳамда 5.1 каналли ҳажмда овоз ёзиб олишни уддалайди. 1,200 Ампер/соат сиғимли ички батарея билан бойитилган, у 70 дақиқагача видеоёзувни таъминлай олади. MicroSD карта учун ўрнатилган слот эвазига камера хотирасини максимум 2 Тб гача кенгайтириш мумкин.
«LG 360 CAM тўғрисидаги тасаввур 500 миллиондан ортиқ Street View фойдаланувчилари ҳамда 360 градусли контент яратиш ва ишлатишни хуш кўрувчилар учун катта аҳамиятга эга. 16 Мп тасвирлар яратиш имконияти эвазига LG 360 CAM 360 градусли контентдан баҳра олишни истаганлар учун энг мақбул танлов бўлади», — деди Google Street View маҳсулотлари менежери Чарльз Армстронг.
«Яқин кунларга қадар 360 градусли тасвирлар ва видеолар яратиш учун оддий истеъмолчилар имкониятидан ташқари бўлган қимматбаҳо ва оғир ускуналар талаб этиларди. LG 360 CAM фойдаланувчиларга осонгина ўз контентини яратиш ва уларни дўстлари билан эркин бўлишиш ва шу тариқа LG Playground доирасида янги мобил экотизими тажрибасига эга бўлиш учун замин яратади», — деди LG Mobile Communications компанияси вице-президенти ва маҳсулотларни режалаштириш раиси Хун-жу Ким.
Асосий хусусиятлари:
- Камераси: 13 мегапикселли 2 та сенсор (чиқиш ўлчови 16 Мп)
- Тасвирга олиш режимлари: сферик 360 градус / ярим сферик 180 градус
- Ўлчови: 40 х 97 х 25мм (қопламсиз)
- Оғирлиги: 76,7г (қопламсиз)
- Овози: 3 та микрофон / 5.1 каналли овоз ёзиш
- Батарея: 1,200 Ампер/соат
- Хотираси: карта microSD (2Тб гача)
- Уланиши: Wi-Fi / Bluetooth
- Ранги: кумушранг
Изоҳ (0)