Хавфсизлик бўйича германиялик мутахассис Стефан Эссер қурилма эгасига эҳтимолий бузиб кириш ва кузатув ҳақида хабар берувчи iPhone-дастур ишлаб чиқди, деб ёзади «Mobinfo.uz». System and Security Info деб номланган дастур жейлбрейкли телефонларда ишлайди.
Дастур ёрдамида телефон эгаси уни сканерлаб, смартфон прошивкаси версиясининг ҳақиқийлигини, шунингдек, Apple’нинг iOS янгиланмалари учун обунаси актуал эканлигини текшириб кўриши мумкин. Агар сервис қурилмага бузиб кирилган бўлиши мумкинлигини кўрсатса, iPhone созламаларини заводдаги ҳолатига қайтариш кифоя, шунда ёвуз ниятлилар учун смартфон эгасининг шахсий маълумотларига кириш йўли ёпилади.
Жейлбрейк — Apple корпорацияси томонидан расман қўллаб-қувватланилмайдиган операция бўлиб, у iPhone, iPod ёки iPad файл тизимига кириш имконини беради. Бунинг ёрдамида қурилманинг имкониятларини кенгайтириш мумкин, масалан, бегона манбалардан олинган дастурларни ўрнатиш мумкин.
Изоҳ (0)