Финландиянинг телекоммуникация қурилмалари ишлаб чиқарувчи Nokia компанияси 2016 йил биринчи чорагида 613 миллион евро зарар кўрди. Ўтган йил шу даври 169 миллион фойда билан якунланганди, деб хабар беради «ТАСС».
Компаниянинг январь—мартдаги тушуми 5,6 миллиард еврони ташкил этди, бу эса ўтган йилга нисбатан 9% кам. Операцион фойда 25 фоизга кўпайди ва 345 миллион еврога етди.
Маълумот учун, жорий йил январида Nokia Alcatel-Lucent билан қўшилиш жараёнини охирига етказди, мазкур келишув суммаси 15,6 миллиард евродан иборат бўлди.
Изоҳ (0)