Ла Лига. «Барселона» якка пешқадамга айланди, «Атлетико» эса аутсайдердан мағлубиятга учради

Футбол бўйича Испания Ла Лигасининг 37-тур беллашувлари якунланди. Чемпионлик учун кураш олиб бораётган Диего Симеоне бошқарувидаги Мадриднинг «Атлетико» клуби олтин медаллар масаласини хавф остида қолдирди.

Ла Лига билан хайрлашиб бўлган «Леванте» майдонига сафар уюштирган «Атлетико» 2-дақиқадаёқ ҳисобни очишига қарамай, якунда иккита гол ўтказиб юборди. Шу тариқа, Европа Чемпионлар Лигасининг финалида тўп сурадиган жамоа, Ла Лига чемпиони бўлиш масаласини сўроқ остида қолдирди.

«Атлетико»нинг очко йўқотиши «Барселона»ни якка пешқадамга айлантирди. «Эспаньол» дарвозасини жавобсиз беш бор ишғол қилган Луис Энрике жамоаси сўнгги турни «Гранада» майдонида ўтказади. Эҳтимолий ғалаба «Барселона»ни мамлакат чемпионига айлантиради.

Криштиану Роналду ҳамда Карим Бенземанинг қайтиши эвазига 37-турда «Валенсия»ни мағлуб этган Мадриднинг «Реал» клуби турнир жадвалида 2-ўринга кўтарилиб олди. «Барселона»дан 1 очко камроқ тўплаган Зидан жамоаси 38-турни «Депортиво» майдонида ўтказади.

37-турда яна бир қатор етакчи клублар мағлубият аламини тотиб кўрди. Жумладан, «Севилья» ўз майдонида аутсайдердан йирик мағлубият қабул қилиб, «Леванте»ни Ла Лигада олиб қолиш учун қарашиб юборди. «Вильярреал» эса ўз майдонида «Депортиво»га қарши ҳеч нарса қила олмади.

Испания Ла Лигаси 37-тур беллашувлари 8 май, якшанба

«Барселона» — «Эспаньол» 5:0

Голлар: Лионель Месси, 8 (1:0). Луис Суарес, 52 (2:0). Луис Суарес, 61 (3:0). Рафинья, 74 (4:0). Неймар, 83 (5:0).

«Вильярреал» — «Депортиво» 0:2

Голлар: Файчал Файр, 32 (0:1). Лукас Перес, 57 (0:2).

«Лас-Пальмас» — «Атлетик» 0:0

«Леванте» — «Атлетико» 2:1

Голлар: Фернандо Торрес, 2 (0:1). Виктор Касадесус, 30 (1:1). Жузеппе Росси, 90 (2:1).

«Реал Мадрид» — «Валенсия» 3:2

Голлар: Криштиану Роналду, 26 (1:0). Карим Бензема, 42 (2:0). Родриго, 55 (2:1). Криштиану Роналду, 59 (3:1). Андре Гомеш, 81 (3:2).Четлатиш: Родриго, 90 (V).

«Реал Сосьедад» — «Райо Вальекано» 2:1

Голлар: Микель Оярсабаль, 12 (1:0). Баутиста, 50 (2:0). Хави Герра, 69 (2:1).Четлатиш: Эстебан Гранеро, 76 (С).

«Севилья» — «Гранада» 1:4

Голлар: Исаак Куэнка, 45+1 (0:1). Диего Гонсалес, 73 (1:1). Жан-Силен Бабен, 79 (1:2). Юссеф Эл-Араби, 86-пен (1:3). Исаак Куэнка, 88 (1:4).

«Сельта» — «Малага» 1:0

Гол: Нолито, 31 (1:0).

«Хетафе» — «Спортинг» 1:1

Голлар: Серхио Альварес, 50 (0:1). Стефан Шепович, 80 (1:1).Четлатиш: Начо Касес, 57 (С).

«Эйбар» — «Бетис» 1:1

Голлар: Рубен Кастро, 37 (0:1). Серхи Энрич, 73 (1:1).