Россиядаги Томск бошқарув тизимлари ва радиоэлектроника университети талабалари Радио кунига бағишлаб ётоқхонанинг тўққизинчи қаватидан 550 тага яқин эски монитор, телевизор, музлатгич, кир ювиш машиналарини пастга улоқтирди. Энди улар Гиннес рекордлар китобидан ўрин олишга даъвогарлик қилиши мумкин, деб хабар беради «ТАСС».
«Техникани ташлаш жараёни ярим соат давом этди. Ҳаммаси бўлиб 550 та буюм улоқтирилди. Уларни тўплашда талабаларга шаҳарликлар ҳам ёрдам берди», — деб таъкидлади акция ташкилотчиларидан бири Олмос Исмоилов.
Университет ректори Александр Шелупановнинг билдиришича, мазкур воқеа Томскдан Гиннес китобига киришга даъвогарлик қилаётган биринчи рекорддир.
Изоҳ (0)