Россиянинг Чувашия республикаси, Аликов раёни, Русская Сорма қишлоғидаги уйлардан бирида юз берган ёнғин оқибатида етти киши ҳалок бўлди. Бу ҳақда «ТАСС» хабар бермоқда.
Ҳодиса 8 май, якшанбага ўтар кечаси содир бўлди. Печ мўриси носозлиги туфайли келиб чиққани тахмин қилинаётган ёнғин ҳақидаги хабар ўт ўчирувчиларга жуда кеч берилгани боис улар етиб келганида уйни аланга тўлиқ қоплаганди. Икки эркак, бир аёл ҳамда тўрт нафар бола ёнғин қурбони бўлди.
Маълумотларга кўра, бир қаватли ёгоч уйда икки йил давомида ҳеч ким яшамаган. Фожиа арафасида хонадон эгалари келган ва печ ёққан. Дастлабки манбалар ўлимга ис газидан заҳарланганлик сабаб бўлганини кўрсатмоқда.
Изоҳ (0)