Никарагуада Зика вирусига чалиниш билан боғлиқ 182 та ҳолат қайд этилди. Бундан 32 таси ҳомиладор аёлларда кузатилган, дея хабар беради «ТАСС».
Олдинроқ мамлакатда 126 киши Зика безгаги билан касаллангани маълум қилинганди.
Республика ҳукумати расмий вакили Росарио Мурильонинг таъкидлашича, ёмғирлар мавсумининг эрта бошланиши туфайли денге, Зика ва чикунгунья безгаклари билан касалланишнинг юқори даражасини одатдагидан эртароқ кутиш мумкин. 2015 йилда бу октябрда рўй берган бўлса, жорий йилда август ёки сентябрда содир бўлиши мумкин.
Изоҳ (0)