Сурия армияси ва халқ кўнгиллилари отрядлари «Жабҳат ан-Нусра» гуруҳи жангарилари ва улар тарафдорларининг Алеппо жанубидаги Хон-Тоуман шаҳрига ҳужумини қайтарди. Бу ҳақда «ТАСС» хабар бермоқда.
Оғир қурол-аслаҳа қўлланган шиддатли тўқнашувлар чоғида 43 нафар жангари ўлдирилди. Улар орасида «Аҳрор аш-Шом» гуруҳи етакчиларидан бири Абу Аъло Таум ҳам борлиги билдирилмоқда.
Шу билан бирга, жангарилар янги ҳужумлар учун қўшимча куч тўпламоқда. Уларга Идлибдан артиллерия ва зирҳли техника ташлаб берилаётгани, Зейтан, Холидия, Барна ва Ис аҳоли пунктларида ҳукумат қўшинлари билан жанглар кетаётгани маълум қилинди.
Изоҳ (0)