Тошкент чорраҳаларидаги ҳамма нарсани кўраётган камералар, Ўзбекистонда бошланган сайлов, Осиё учун қимматлашган нефть ва куннинг бошқа муҳим хабарлари

6 майнинг эътиборга молик янгиликлари — «Дарё»нинг кечки дайжестида.

1. Ўзбекистонда фуқаролар йиғинлари сайлови бошланди. Фуқаролар йиғинлари раислари ва улар маслаҳатчиларининг навбатдаги сайловини ўтказиш муддати 2016 йилнинг май—июнь ойлари этиб белгиланган.

2. Нобель мукофоти соҳиблари КХДРда маърузалар қилди. 2–5 май кунлари Нобель мукофоти соҳиблари халқаро академик алмашув дастури доирасида Шимолий Кореянинг етакчи олийгоҳларида маърузалар қилди.

3. Саудия Арабистони Осиё учун нефть нархини кескин кўтарди. Июнда Саудия нефтининг асосий маркаси Осиё бозорида Oman ва Dubai навлари қийматига нисбатан 25 сентлик қўшимча ҳақ билан сотилади.

4. Покистон ҳукумати 16 ёшли қизни тириклай ёқишга буйруқ берган қабила кенгаши аъзоларини ҳибсга олди. Қабила кенгаши аъзолари қишлоғининг обрўсига доғ туширгани учун қизни жазога лойиқ деб топган.

5. Йўл беринг, қизилда ўтманг: Тошкент чорраҳаларига ўрнатилган камералар ёзиб олган авариялар. Интернетда Тошкент шаҳри чорраҳаларига ўрнатилган кузатув камералари ёзиб олган йўл-транспорт ҳодисаларининг қисқа жамланмаси пайдо бўлди.