Тошкентдаги Great Wall Media компанияси «Олтин» йўналишида International Arch of Europe (IAE) мукофоти соҳибига айланди. Бу ҳақда компаниянинг Facebook’даги саҳифасида хабар қолдирилган.
Мукофотни топшириш маросими BID (Business Initiative Directions) компаниясининг 26 июнь куни Франкфуртда бўладиган сифат бўйича Халқаро конвенцияси вақтида бўлиб ўтади. Қайд этишларича, Great Wall Media BID’нинг тарихий ғолиблари гуруҳидан ўрин олди — 1986 йилдан бери ўтказиб келинаётган конвенция бу йил 30 марта ташкил этилади.
BID коммуникациялар соҳасидаги етакчи компания бўлиб, иқтисодий, ижтимоий ва коммуникацион лойиҳаларни мунтазам мониторинг қилиб боради ва сифат категорияси ривожини муваффақиятни белгилаш бўйича бош омил, деб ҳисоблайди. Компаниянинг саралаш қўмитаси аввал ғолиб чиққан компаниялар ўртасидаги сўровнома, шунингдек, BID’нинг бизнес ва коммуникациялар соҳасидаги халқаро экспертлари тадқиқотларига асосланиб, IAE мукофоти учун номзодларни танлайди.
Great Wall Media — бир вақтнинг ўзида ҳам креатив-бюро, промо-агентлик ва дизайн студияси ҳисобланган компаниядир. Компания сайтида ёзилишича, у алоҳида шахсларга ҳам, йирик компанияларга ҳам хизмат кўрсата олади.