Канаданинг Альберта провинциясида ўрмон ёнғинлари майдони 85 минг гектарга етди. Бу ҳақда «ТАСС» хабар бермоқда.
Минтақа ёнғинга қарши кураш хизмати маълумотига кўра, аланга шиддат билан тарқалаётганига қуруқ ва иссиқ ҳаво, шунингдек, тезлиги сониясига 20 метрга етаётган кучли шамол сабаб бўлмоқда.
Альберта шимоли-шарқидаги ёнғинлар 1 май куни бошланди, 3 май куни эса кучли шамол туфайли жадаллик билан тарқала бошлади. Табиий офатдан энг кўп Форт-Макмюррей шаҳри жабр кўрди: бу ерда 1,6 мингга яқин уй ёниб кетди, 88 минг кишидан иборат аҳоли шаҳарни тарк этид.
Ёнғинни бартараф этишга 250 нафардан ортиқ ўт ўчирувчи, 17 самолёт ва 12 вертолёт сафарбар қилинди. Офатдан кўрилган зарар ҳозирнинг ўзида 7,8 миллиард АҚШ долларига етди. Провинцияда фавқулодда ҳолат жорий этилди.
Изоҳ (0)