Франция президенти Франсуа Олландни қўллаб-қувватлаш даражаси у ҳокимиятда бўлиб турган вақт мобайнидаги энг паст кўрсаткичга етди. Le Eco газетаси буюртмасига кўра сўров ўтказган Elabe социологик хизмати маълумотлари шундан далолат бермоқда, дея хабар беради «ТАСС».
Сўров натижаларига кўра, ўтган ойда давлат раҳбарининг рейтинги икки пунктга пасайган. Респондентларнинг атиги 16 фоизи Олландга ва унинг Франция олдида турган асосий муаммоларни самарали ҳал этишига ишонади.
Elabe амалдаги президент қўллаб-қуввватланишининг бунчалик паст даражасини у сайланган 2012 йилдан бери биринчи бор қайд этмоқда. Ҳатто мамлакат бош вазири Манюэль Вальснинг рейтинги ҳам, гарчи икки пунктга пасайган бўлса-да, Олландга нисбатан юқори бўлиб, апрель ойида 20 фоизни ташкил этган.
Изоҳ (0)