Австралиялик Люси Суини ўзининг туғилган куни тўғри келган ҳафта давомида ресторан ва кафеларда бепул овқатланди, дея хабар бермоқда Meduza. Қиз Facebook’да саҳифа очиб, у ерда бунга қандай эришгани ҳақида сўзлаб берди. Шунингдек, у таваллуд куни муносабати билан ўзига тортиқ қилинган барча таомлар суратлари билан бўлишди.
Люсининг сўзларига кўра, кўплаб муассасалар махсус акцияларни таклиф қилади, уларга мувофиқ, бевосита туғилган кун ва ундан кейинги кунда текинга овқатланиш мумкин.
Баъзи ҳолатларда, бепул тушликни қўлга киритиш учун қиз лояллик дастури бўйича анкеталарни тўлдиришига ва олдиндан стол буюртма қилишига тўғри келган.
Люси дуч келган муаммо — акциялар бўйича нонушталар йўқлиги бўлди. Баъзи муассасалар эса акция шартларини бажаришдан ва Суинини бепул меҳмон қилишдан бош тортди.
Егуликлар билан тушган суратларига кўра, қиз 23 марта текин овқатланган. Люси борган ресторанларнинг ҳаммасида ҳам унинг туғилган куни рост ёки ёлғон эканлигини текшириб ўтиришмаган. Қизнинг ҳисоб-китобларига кўра, у бир ҳафта давомида бепул еган таомларнинг барчасига 364 Австралия доллари (тахминан 270 АҚШ доллари) кетган бўларди.
Изоҳ (0)