АҚШ президентлигига номзод Дональд Трамп Индиана штатидаги радиостанцияга берган интервьюсида «муайян бир фурсат»да АҚШ ўз кемалари ва самолётларидан хавфли масофада учиб ўтаётган Россия қирувчиларини уриб туширишга мажбур бўлишини айтди, деб ёзади Meduza.
Трампнинг изоҳи 29 апрелдаги ҳодисага қаратилди, ўшанда Россиянинг Су-27 самолёти Болтиқ денгизи устида Америка ҳарбий-ҳаво кучларига қарашли RC-135 самолёти ёнидан учиб ўтиб, «бочка» манёврини амалга оширган эди.
Трампнинг сўзларига кўра, бундай ҳодисалардан сўнг биринчи навбатда, АҚШ президенти Россия етакчиси билан алоқага чиқиши ва: «Менга қара, бир илтифот кўрсатиб, бошқа бундай қилма, у савдойини топ, бас қил», — дейиши керак. Аммо «маълум бир фурсат»да, агар телефон қўнғироғи иш бермаса, Америка қуролли кучлари Россия самолётини уриб туширишга мажбур бўлади, деди у.
Изоҳ (0)