Венесуэла президенти Николас Мадуро ваколатлари муддатидан аввал тугатилиши юзасидан референдум ўтказилиши учун бир кун ичида қонун талаб этганидан 10 баробар кўп имзо тўпланди. Бу ҳақда Миранда штати губернатори, мамлакат мухолифатининг таниқли вакили Энрике Каприлес маълум қилди, дея хабар беради «ТАСС».
«Бизда салкам 2 миллион имзо, аслида 196 минг керак эди. Бошқа керак бўлмайди!»— дея ёзган сиёсатчи Twitter’даги саҳифасида.
Мамлакат конституциясига кўра, давлат арбоби сайланган муддатнинг ярми ўтгач, уни чақиртириб олиш юзасидан референдум ўтказилиши мумкин. Унинг ташкилотчилари Миллий сайлов кенгашига биринчи босқичда сайлов ҳуқуқига эга фуқароларнинг бир фоизи (200 минг киши атрофида) имзоси қўйилган талабномани тақдим этиши лозим. Бир неча жараёнлардан сўнг референдум ташкилотчилари атиги бир неча кун мобайнида энди 20 фоиз сайловчи, яъни тахминан 4 миллион кишини имзосини йиғиши талаб этилади.
Президент Мадуро референдум қўллаб-қувватланган ҳар бир имзони текшириб кўриш бўйича кўрсатма берган ва бунинг учун Халқ конгресси, партиялар вакилларидан иборат махсус гуруҳ ташкил этилган.
Изоҳ (0)