Бугун,

  • USD 10940.05
  • RUB 182.26
  • EUR 11121.65

АҚШ президенти Барак Обама The Washington Post газетасида Осиё-Тинч океани минтақасида эркин савдо ҳудуди ташкил этилишини кўзда тутувчи Транс-Тинч океани шериклиги (Trans-Pacific Partnership, TPP) ҳақидаги дастурий мақолани эълон қилди. Минтақадаги 12 давлат ўтган йил октябрида мазкур шериклик ҳақида келишувга эришган, бироқ Конгрессда ҳозиргача уни ратификация этиш борасида тортишувлар кетмоқда, дея хабар беради «РБК».

Фото: AP

Фото: AP

Мақолада АҚШ президенти халқаро савдо қоидаларини ўрнатишда Хитойга етакчиликни бермаслик ва келишувни тезроқ ратификация қилишга чақирган. Обамага кўра, мазкур ҳудудда TPP туфайли савдо-сотиқнинг авж олиши мамлакат бизнеси ва америкалик ишчилар учун наф келтирган, асосий рақобатчи — Хитойга нисбатан афзаллик берган бўларди.

«Хитойга ўхшаш мамлакатлар эмас, Қўшма Штатлар қоидаларни ёзиши ва ўрнатиши керак. Бу имкониятдан фойдаланиб, Транс-Тинч океани шериклиги ҳақидаги келишувни тасдиқлашимиз лозим», — дея таъкидлаган АҚШ президенти.

Изоҳ
Асосий янгиликлар