Аргентина Федерал суди ноқонуний бойишда гумонланаётган мамлакатнинг собиқ президенти Кристина Фернандес де Киршнерга қарши иш очди. Бу ҳақда, Telam агентлиги маълумотига таяниб, «ТАСС» хабар беради.
Судья Клаудио Бонадио суриштирувни ёпиқ режимда ўтказишни белгилади. Собиқ давлат раҳбаридан ташқари мазкур иш бўйича унинг ўғли ва парламент депутати Максимо Киршнер ҳам гумонланмоқда.
Судда иш очилишига депутат ва президентлик лавозимига собиқ номзод Маргарита Столбисернинг шикояти асос бўлган. Столбисернинг таъкидлашича, Киршнер оиласига қарашли кўчмас мулк битимлари билан шуғулланувчи Los Sauces компанияси пул ўзлаштиришга алоқадор бўлиши мумкин.
Бундан ташқари, депутат компания фаолиятидаги баъзи ҳужжатлар қалбакилаштирилган деб ҳисобламоқда.
Изоҳ (0)