Argentina Federal sudi noqonuniy boyishda gumonlanayotgan mamlakatning sobiq prezidenti Kristina Fernandes de Kirshnerga qarshi ish ochdi. Bu haqda, Telam agentligi ma’lumotiga tayanib, “TASS” xabar beradi.
Sudya Klaudio Bonadio surishtiruvni yopiq rejimda o‘tkazishni belgiladi. Sobiq davlat rahbaridan tashqari mazkur ish bo‘yicha uning o‘g‘li va parlament deputati Maksimo Kirshner ham gumonlanmoqda.
Sudda ish ochilishiga deputat va prezidentlik lavozimiga sobiq nomzod Margarita Stolbiserning shikoyati asos bo‘lgan. Stolbiserning ta’kidlashicha, Kirshner oilasiga qarashli ko‘chmas mulk bitimlari bilan shug‘ullanuvchi Los Sauces kompaniyasi pul o‘zlashtirishga aloqador bo‘lishi mumkin.
Bundan tashqari, deputat kompaniya faoliyatidagi ba’zi hujjatlar qalbakilashtirilgan deb hisoblamoqda.
Izoh (0)