«Бунёдкор» Тошкент дербисида «Пахтакор»ни йирик ҳисобда мағлуб этди

Футбол бўйича Ўзбекистон Олий Лигасининг 7-турида Тошкентнинг «Бунёдкор» ва «Пахтакор» клублари ўзаро тўқнаш келди. «Бунёдкор» стадиони мезбонлик қилган ўйинда Сергей Лушчан шогирдлари 3:0 ҳисобида зафар қучди ва мазкур жамоалар иштирокидаги Тошкент дербисида биринчи бор йирик ҳисоб қайд этилди.

• Олий Лига, 7-тур. «Локомотив» «Олмалиқ» клубини йирик ҳисобда мағлуб этди

Учрашувнинг 55-дақиқасига келиб бош ҳакам «пахтакорчилар» дарвозаси томон пенальти белгилади ва уни Достон Ҳамдамов аниқ амалга оширди. Орадан бир дақиқа ўтиб Забиҳилло Ўринбоев ҳисобни 2:0 кўринишига олиб келди. Учрашувнинг асосий вақти якунига уч дақиқа қолганида эса Элдор Шомуродов «Пахтакор» дарвозасига учинчи голни киритди.

Қайд этиш керак, беллашувда ўз ҳисобига гол ёзиб қўйган уч нафар футболчи 2015 йил якунларига кўра Осиё қитъасининг энг яхши ёш ўйинчиси бўлиш учун даъвогарлик қилганди.

7-турга қадар «Пахтакор» 3 та беллашувда зафар қучган ва яна шунчасида дуранг ўйнаганди. «Бунёдкор» стадионида Нўъмон Ҳасанов жамоаси мавсумдаги биринчи мағлубиятни қабул қилиб олди.

Мазкур ғалабасидан кейин «Бунёдкор» очколари сонини 19 тага етказиб, «Локомотив» ва «Насаф» билан тенглашиб олди. Тўплар нисбатига кўра «қалдирғочлар» «Локомотив»дан кейин иккинчи бўлиб турибди.

• Олий Лига, 7-тур. «Локомотив»дан кейин «Насаф» ҳам йирик ҳисобда зафар қучди

Ўзбекистон Олий Лигаси 7-тур беллашуви 29 апрель, жума

«Бунёдкор» — «Пахтакор» 3:0

Голлар: Достон Ҳамдамов, 56-пен (1:0). Забиҳилло Ўринбоев, 57 (2:0). Элдор Шомуродов, 87 (3:0).«Бунёдкор»: Мурод Зухуров, Акмал Шораҳмедов, Акром Комилов, Шакер Зуаги (Александр Алемпиевич, 68), Жавлон Иброҳимов (Отабек Шукуров, 46), Сато Минори, Элдор Шомуродов, Достон Ҳамдамов, Забиҳилло Ўринбоев (Шаҳзод Нурматов, 75), Рустам Ашурматов, Юрица Булят.«Пахтакор»: Никита Рибкин, Аднан Ораховац (Анвар Солиев, 84), Акбар Исматуллаев (Ойбек Қиличев, 60), Шерзод Каримов, Жамолиддин Машарипов (Темур Толипов, 38), Игорь Сергеев, Даврон Ҳошимов, Азим Аҳмедов, Жамшид Болтабоев, Жавоҳир Соҳибов, Владимир Козак.