Апрель ойининг бошидан бери Ҳиндистонда ҳукм сураётган жазирама оқибатида 300 дан ортиқ одам ҳалок бўлди. Бу ҳақда «РИА Новости» хабар бермоқда.
Илгари қурбонлар сони 220 кишини ташкил қилгани маълум бўлган эди.
Indian Express газетасида келтирилишича, Телангана штатида 137 киши, Одишьяда эса 119 киши ҳалок бўлди.
Бихарда иссиқ туфайли ёнғин келиб чиқиши оқибатида 66 киши қурбон бўлди. Штатдаги ўртача ҳарорат 42 даражани ташкил этмоқда.
Ҳиндистон метереология департаменти маълумотларига қараганда, жорий йилда Ҳиндистонда апрелдан июнга қадар ҳаво ҳарорати меъёридан бир даражага юқорироқ бўлади.
Ўтган йили мамлакатда жазирама туфайли 2135 киши, 2014 йили 549 киши, 2013 йилда 1433 киши ҳалок бўлди. 2016 йилнинг мартига қадар қайд этилган ўлимлар сони 87 кишини ташкил қилди.
Изоҳ (0)