Хитойнинг Шанхай шаҳридаги «Хунцяо» аэропортидаги ёнғин оқибатида камида икки киши нобуд бўлди, уч киши жабрланди. Бу ҳақда «ТАСС» хабар бермоқда.
Алангаланиш аэропортнинг таъмир ишлари кетаётган ерости қаватларидан бирида содир бўлди. Ҳодиса жойида ўт ўчирувчилар ва қутқарувчилар ишламоқда. Жабрланганлар касалхонага етказилди.
Йўловчилар эвакуация қилингани ёки авиарейслар билан боғлиқ кечикишлар ҳақида хабар берилмади.