«Реал Мадрид» футбол клуби бош мураббийи Зинедин Зидан «Манчестер Сити»га қарши Европа Чемпионлар Лигаси ярим финал дастлабки учрашувидан сўнг ўз фикрлари билан ўртоқлашди, дея хабар бермоқда «Чемпионат».
«Манчестер Сити» ва «Реал Мадрид» ўртасида Тошкент вақти билан 27 апрелга ўтар кечаси бўлиб ўтган ўйин 0:0 ҳисоби билан якунига етди. Мадриддаги жавоб ўйини 4 май кунига белгиланган.
«Бугунги ўйинда майдонга туша олмаганидан Криштианунинг хафсаласи пир бўлди, бироқ биз таваккал қила олмасдик. У имкон қадар тезроқ майдонга қайтиши учун қўлимиздан келганини қиламиз. Умид қиламанки, у жавоб ўйинида қатнаша олади», — деди Зидан.
«Бензема ҳам ўйинни давом эттириш ниятида эди, бироқ уни алмаштирган маъқул, деган қарорга келдик. Каримнинг жароҳати қанчалик жиддий эканини яқин вақт ичида билиб оламиз», — деди «Реал Мадрид» устози.
«Биз ўйинни яхши ўтказдик, иккинчи таймда жамоамиз нисбатан яхши ўйнади. Муҳими, ижобий натижа жавоб ўйинига муносиб тайёргарлик кўриш имконини беради», — дея қўшимча қилди «Реал Мадрид» бош мураббийи Зинедин Зидан.
Изоҳ (0)