27 апрель, чоршанба кунги савдолар чоғида олтин нархи АҚШ Федерал захира тизимининг мамлакатдаги пул сиёсати бўйича қарори арафасида Америка валютаси заифлашиши фонида ўсиб бормоқда, деб ёзади «РИА Новости».
Тошкент вақти билан 11:13 ҳолатига кўра, Нью-Йоркнинг Comex биржасида олтиннинг бир трой унцияси учун июндаги фьючерслари 2,4 долларга ёки 0,19 фоизга ўсиб, 1245,6 долларни ташкил қилди. Кумушнинг июль фьючерслари эса 1,14 фоизга — бир унцияси учун 17,36 долларгача кўтарилди.
27 апрель куни кейинроқ АҚШ Федерал захира тизимининг таянч фоиз ставкаси бўйича қарори эълон қилинади. Бозордаги иштирокчиларнинг кўпчилиги регулятор таянч фоиз ставкасини ҳозиргидек 0,25—0,5% даражасида сақлаб қолишини тахмин қилмоқда, бу эса долларга босим ўтказиб, олтин нархи ўсишига имкон яратмоқда.
Изоҳ (0)