Норвегия ҳукумати террорчи Андерс Брейвик ҳибсда сақланаётган шароитлари бўйича шикоятларнинг бир қисмини асосли деб топган Осло суди қарори устидан апелляция беради. Бу ҳақда мамлакат адлия вазирига таяниб, «Интерфакс» хабар бермоқда.
Вазир сўзларига кўра, Норвегия ҳукумати Брейвикнинг қамоқда сақланиш шароитлари инсон ҳуқуқлари бўйича Европа конвенциясини бузиши ҳақидаги фикрга қарши.
Шу билан бир вақтда суд даъвогар шикоятларининг қолган қисмини қондиришдан бош тортди. Масалан, Брейвикнинг унинг почта жўнатиш ва қабул қилиши, шунингдек, қариндош ва яқинлари билан учрашиши бўйича чекловларни бекор қилиш ҳақидаги талаби бажо келтирилмади.
Брейвик 2016 йилнинг мартида судга мурожаат қилиб, қамоқхонада унга нисбатан инсон ғурурини таҳқирлайдиган муносабатда бўлинаётгани устидан шикоят қилган эди.
Изоҳ (0)