Бугун, 27 апрель куни Мексика соҳили яқинида 5,8 магнитудали зилзила содир бўлди. Бу ҳақда, АҚШ геология бошқармасига асосланиб, «ТАСС» хабар бермоқда.
Силкинишлар эпицентри Пуэрто-Мадеро шаҳридан 61 километр жануби-ғарбида жойлашган эди. Табиий офат ўчоғи 35 километр чуқурликда бўлгани айтилмоқда.
Вайроналиклар ва қурбонлар ҳақида маълумот берилмади.
Бир неча кун олдин шу ҳудудда 5,7 магнитудали ер қимирлаши қайд этилган эди.