11 ёшли ўқувчи қиз чиптасиз самолётга ўтирди ва Москвадан Санкт-Петербургга учиб кетди, дея хабар бермоқда «РБК» Петербург ҳуқуқ-тартибот органларига таяниб.
Қизча 25 апрель, душанба куни Москванинг «Внуково» аэропортида чиптасиз назоратдан ўтди. Шундан сўнг у «Россия» авиакомпаниясининг самолётига ўтириб, «Пулково»гача учиб борди. Ўз хатти-ҳаракатини қизча парвоз қилиш истаги билан изоҳлади.
Ички ишлар вазирлигининг транспорт бошқармасида ҳодиса ҳақидаги маълумотни тасдиқлашди. Қизча ижтимоий бошпанага жўнатилди, уни ота-онасига қайтариш масаласи кўрилмоқда. Вояга етмаган Москва фуқаросининг катталар ҳамроҳлигисиз «Пулково»да пайдо бўлиши билан боғлиқ вазият ўрганилмоқда.
Изоҳ (0)