АҚШнинг Огайо штатида истиқомат қилувчи ўсмир YouTube’да кўрган тажрибани такрорлашга уриниб, электр токининг зарбасидан ҳалок бўлди. Бу ҳақда Reuters агентлиги маълум қилди.
Боланинг ота-онаси уни гараждан топган ва тез ёрдам чақирган. Шифохонада шифокорлар унинг ўлимини қайд этган.
Полиция вакили Жаред Оливернинг маълум қилишича, тажриба мактабдан берилган топшириқ бўлмаган. Ўсмир уни ўз ташаббуси билан амалга оширган. Полиция гараждан «Иаков зинаси» деб номланувчи тажрибани ўтказиш учун қўлланувчи қурилмани топган. Бу каби тажрибани ўтказиш давомида юқори кучланиш юзага келади.
YouTube’да мазкур тажрибани қандай ўтказиш мумкинлигини ҳикоя қилувчи кўплаб видеоларни кўриш мумкин. Тажриба натижасида юзага келувчи кучланиш одамни ўлдириши мумкинлиги ҳақидаги огоҳлантириш барча роликларда ҳам мавжуд эмас.
Изоҳ (0)