2016 йилнинг 15 апрелида Тошкент шаҳрида Ўзбекистон ва МДҲ давлатларида энг йирик ва биринчи — Imzo деразалар фабрикаси очилди. Бу ажойиб лойиҳа Ўзбекистон бозорларида етакчилик қилиб келаётган Akfa деразалари ишлаб чиқарувчисининг ташаббуси билан йўлга қўйилди.
Дераза ишлаб чиқаришда материалнинг сифати муҳим роль тутади. Imzo фабрикасида деразалар Ўзбекистон иқлимига мослаштирилган Engelberg ва Akfa брендларининг юқори сифатли материалларидан ишлаб чиқарилади, улар Европа лабораторияларида синовдан ўтказилади. Маҳаллий ёки импорт ишлаб чиқарувчининг фурнитураси буюртмачининг танловига қараб тақдим этилади.
Imzo фабрикасининг ўзига хослиги шундаки, у тайёр деразаларни ишлаб чиқаришда юқори технологик ускуналар билан жиҳозланган. Ўз ихтиёрида дераза ишлаб чиқариш бўйича 15 та автоматлаштирилган ва 4 та аргон билан тўлдирилган энергия тежовчи ойна ишлаб чиқарувчи роботлаштирилган линияга эга фабрикада 500 дан ортиқ ишчи ўринлари ташкил этилган. Фабрика бир кеча-ю кундузда 4 500 та тайёр маҳсулот ишлаб чиқара олади.
Фабрикада йиғиш энди дераза сифат стандартлари ҳақидаги тасаввурларни буткул ўзгартириб юборади. Imzo фабрикасининг ишлаб чиқарув линиялари Европадан келтирилган. Улар компьютерлаштирилган бошқарув тизими билан жиҳозланган. Ишлаб чиқаришнинг барча операциялари — профилни кесиш, пайвандлаш ва фрезировка қилишдан фурнитура, механизм ва ойналарни жиҳозлашгача робот томонидан автоматик равишда юқори аниқлик билан бажарилади.
Тошкентда дераза буюртма қилишда танлов, ҳисоб-китоб, ҳажмлар ва расмийлаштириш бўйича ёрдам берувчи ходимлар хизмат кўрсатувчи махсус ва қулай шоу-румлар фаолият кўрсатмоқда. Юклаш ва транспортировка қилиш технологиясига қатъий амал қилиниб, маҳсулот мўлжалланган манзилгача бус-бутун етказилади, профессионал усталар эса ишлаб чиқарувчининг тавсиялари ва қоидаларига мувофиқ монтаж ишларини амалга оширишади.
Imzo фабрикасига юклатилган вазифа — бу Ўзбекистон аҳолисини янада сифатли маҳсулот билан таъминлаш ва дераза саноатида технологик тараққиётни тарғиб қилиш. Технология олами бизга ҳар куни янги имкониятлар доирасини очиб берувчи янада ақллироқ таклифлар билдирмоқда.
Биз Imzo фабрикасининг катта салоҳиятига ҳамда у ишлаб чиқараётган деразаларининг сифати юқори баҳоланишига ишонч билдирамиз. Келажакда ассортиментни кенгайтириш бўйича жаҳон стандартларига жавоб берувчи ва истеъмолчининг талабини қондирувчи истиқболли режалар тузмоқдамиз. Сизнинг ишончингиз ва мамлакатимиз келажаги биз учун қадрли! Биз ўлкамизнинг равнақи ва гуллаб-яшнаши учун ҳар томонлама хизмат қилишга тайёрмиз.
Imzo фабрикаси деразалари — янги Европа стандарти Ўзбекистонда!
- Мурожаат учун телефонлар: (99871) 207-77-77
- Расмий сайт: www.imzogroup.uz, www.imzo.uz
Изоҳ (0)