Компьютер ва смартфонлар ишлаб чиқарувчи Apple компанияси тахминан икки йил аввал Хитой ҳукуматидан ўз маҳсулотларида қўлланиладиган дастурий таъминот бошланғич кодларини тақдим этиш талаби битилган сўров олган эди. Apple’дагилар унга рад жавобини берди, деб ёзади Meduza.
Бу ҳақда АҚШ Конгрессида Apple ва ФҚБ ўртасида телефонлардаги маълумотларга кириш имкониятини Америка махсус хизматларига тақдим этиш зарурияти бўйича юзага келган мунозара юзасидан ўтказилган эшитишлар вақтида маълум бўлди. Гап айнан қандай бошланғич код ҳақида бораётганига аниқлик киритилмади.
Эслатиб ўтамиз, 16 февраль куни АҚШ суди Apple корпорацияси Федерал қидирув бюроси ходимларига «Сан-Бернардино мергани»нинг телефонини бузиб, ундаги маълумотларни олишда ёрдам бериши лозимлиги ҳақида қарор қабул қилди. Корпорация раҳбари Тим Кук бунга жавобан суд қарорига расмий эътироз билдирилишини таъкидлаган.
Кейинроқ ҳукумат мутахассислари бошқача усул билан, маълумотларни ўчирмасдан туриб қурилмага киришга муваффақ бўлгани, шу туфайли ҳукумат Apple ёрдамига «энди муҳтож эмас»лиги хабар берилган эди.
Изоҳ (0)