Хонанда Райҳон 19 апрелга ўтар кечаси Instagram’даги саҳифасига ўзининг жилмайиб турган суратини жойлаштирди. Суратга илова қилинган фалсафий мулоҳазалар турли баҳс-мунозараларга сабаб бўлди, деб ёзади «Даракчи.uz».
Райҳон шундай деб ёзади: «Севимли инсонларни юракдан юлиб ташлаб бўлмайди. Уларни вақтинча тарк этиш, унутиш, алдаш мумкин. Бироқ йўллар барибир улар томон чорлайди. Севимли инсонларнинг хатоларини кечириш даркор. Севимли инсонлар ‘собиқ’ бўлмайди. Севимли инсонлар бизнинг дунёмизни ёритгувчи қуёш кабидир».
«Даракчи.uz»нинг ёзишича, бу сўзлардан таъсирланган Райҳон мухлисларининг аксарияти бошқа бир хонанда — Лоланинг 18 апрель куни премьераси бўлиб ўтган «Соғиндим» клипини муҳокама қилмоқда. Клипда бош ролларни Лола ва актёр Йигитали Мамажонов ижро этган (Йигитали Мамажонов 2012 йил ноябрида хонанда Райҳон билан турмуш қурган эди, 2015 йил январида эса Райҳон ажрашишга ариза бергани маълум бўлганди).
«Дугонам деб юрганингиз Лола атайин Йигитали билан клип қилиб, унга ёпишиб, ўзини унга яқинлаштирди, шу яхшими энди? Лолага Йигиталидан бошқаси қуриб қолганми? Нега айнан Сизнинг эрингиз билан?», — деб ёзди фойдаланувчилардан бири. «Биласизми, бу ҳасад! Лолага бундай эр насиб қилмаган бўлса-да, битта клипда Йигитали билан бир умр ҳаёт кечиргандай бўлди? Лола ўзини Сизнинг ўрнингизда тасаввур қилиб кўрди», — деди бошқа бир фойдаланувчи.
«Лолани ҳурмат қиламан, яхши кўраман, аммо бундай клип олишини тасаввур ҳам қилмагандим. Бизни ўзбекчиликда аёллар бегона эркаклар билан бундай қучоқлашишлари — хоҳ санъаткор, хоҳ оддий инсон бўлсин — гуноҳ-ку. Мусулмончиликка умуман тўғри келмайди», — деб ёзади яна бир фойдаланувчи. «Бунга ишонолмаяпман. Лола ‘Соғиндим’ клипига қадар севимли хонандам эди. Клипни кўриб, Райҳон учун йиғладим. Лола Райҳоннинг икки боласини гуноҳини олди. Мен ундан нафратланаман!», — деб ёзади бошқа бир фойдаланувчи.
Райҳон мухлисларининг изоҳларини жавобсиз қолдирган. Икки гуруҳга ажралган интернет фойдаланувчилари эса Лоланинг янги клипи муҳокамасини давом эттирган. Бир гуруҳ фойдаланувчилар тобора қаттиқ баҳсга киришган мухлисларни тинчлантиришга уринган.
«Одамлар, тинчланинглар, агар Йигитали Лоланинг клипида рол ижро этган бўлса, бу уларнинг Райҳоннинг жиғига тегиш учун ҳамкорлик қилганини англатмайди. Улар ‘Жоним, соғиндим’ клипида ҳам бирга рол ижро этган. Райҳон бунга эътибор бермаган бўлса керак, чунки Лола ва Йигиталининг ҳар иккаласи ҳам ижодкор», — дейди фойдаланувчлардан бири. «Бунга фақат клип сифатида қараш керак. Агар Лола ва Йигитали ҳаётда шунақа иш қилганида, унда бир нарса десанг, ўринли бўларди. Кино, клип — бу ҳаммаси касб билан боғлиқ нарсалар», — дейди бир комментатор.
Лолага қаратилган танқидлардан асабийлашган бир фойдаланувчи шундай қўшимча қилган: «Сизлардек онги паст одамларни биринчи марта кўришим. Йигитали ишламаса — хотинининг пулига ялло қилиб юрган киши, ишласа — яна гап. Қандай одамсиз ўзи? Райҳоннинг Йигитали билан иши йўқ. Сизларга ким қўйибди бегона эркакни муҳокама қилишни?».
Изоҳ (0)