Қирғизистон парламенти 20 апрель, чоршанба куни яширин овоз бериш чоғида спикерни сайлай олмади ва янги номзодлар иштирок этадиган янги сайловлар ўтказилишини эълон қилди. Бу ҳақда «РИА Новости» хабар бермоқда.
Ўтган ҳафта аввалида парламент спикери Асилбек Жээнбеков акаси Сооронбай Жээнбеков номзоди мамлакат бош вазири лавозимига илгари сурилганидан сўнг ўз истагига биноан истеъфо берганди. Унинг ўрнига парламентдаги «Қирғизистон» фракцияси етакчиси Канатбек Исаев ва «Онугуу-Прогресс» фракцияси етакчиси Бакит Торобаев даъвогарлик қилди.
Иккала номзод ҳам бир хил миқдордаги овоз тўплади, бу эса маҳаллий парламент регламентида кўзда тутилмаган. Қонунга кўра, сайловнинг иккинчи турида депутатлар овоз берадиган бюллетенда фақат битта фамилия бўлиши лозим.
Изоҳ (0)