Росияликлар 2008 йилдан бери биринчи марта озиқ-овқат учун даромадининг 50 фоизидан ортиғини сарфламоқда. Буни Россия халқ хўжалиги ва давлат хизмати академияси ижтимоий таҳлил ва прогноз қилиш институти февраль ойи мониторинги якунлари кўрсатмоқда, дея хабар беради Meduza.
Харажатлардаги озиқ-овқат, ичимлик ва тамаки маҳсулотлари улуши 50,1 фоизни ташкил этиб, ноозиқ-овқат маҳсулотлари улушидан ошиб кетган.
Институт экспертларининг таъкидлашича, нафақат кам таъминланганлар, балки аҳолининг ўрта қисми ҳам иқтисод қилишга ўтган. 2016 йил март ойида маҳсулотлар ва хизматларда иқтисод қилишга мажбур бўлаётган россияликлар сони 0,6 фоизга ошиб, 89 фоизга етган.
Изоҳ (0)