АҚШ мудофаа вазири Эштон Картер 18 апрель, душанба куни эълон қилинмаган ташриф билан Ироқ пойтахти Бағдодга келди, дея хабар бермоқда «ТАСС».
Reuters агентлиги маълумотларига кўра, Пентагон раҳбари Ироқ ҳукумати билан қатор учрашувлар ўтказади ва ИШИД террорчилик гуруҳига қарши кампанияни муҳокама қилади.
Нашр эслатишича, февраль охирида АҚШ Қуролли кучлари Ироқ ғарбида иккита ҳарбий базани қуришга киришгани ҳақида хабарлар пайдо бўлди.
Аввалроқ Ироқ ва Сурияда аксилтеррорчилик операцияларини амалга ошираётган АҚШ қўшинлари гуруҳи вакили Ироқ ҳудудига жами 3,6 минг америкалик ҳарбий хизматчи ҳамда коалициянинг бошқа 18 мамлакатидан 2,7 минг аскар ва офицер жойлаштирилганини маълум қилган эди.
ИШИД экстремистик гуруҳи жаҳоннинг бир қатор мамлакатлари ва халқаро ташкилотлар томонидан «террорчилик ташкилоти» деб топилган.
Изоҳ (0)