13 апрель, чоршанба куни Тошкентда ШҲТга аъзо давлатлар Хавфсизлик кенгашлари котибларининг йиғилиши доирасида Ўзбекистон Республикаси Президенти ҳузуридаги Хавфсизлик кенгаши котиби В. Маҳмудов Хитой Халқ Республикаси Давлат кенгаши аъзоси — жамоат хавфсизлиги вазири Го Шэнкунь билан учрашди. Бу ҳақда Ўзбекистон Республикаси Ташқи ишлар вазирлиги матбуот хизмати хабар бермоқда.
Суҳбат давомида Ўзбекистон—Хитой муносабатларининг долзарб масалалари, жумладан, ШҲТ доирасидаги ҳамкорликнинг ҳозирги ҳолати ва истиқболлари муҳокама қилинди.
Хитой томони ташкилотга аъзо давлатлар ўртасидаги ҳамкорликни янада ривожлантириш, хусусан, минтақавий хавфсизлик соҳасига оид амалий масалаларни ҳал этишга қаратилган Ўзбекистоннинг ШҲТдаги раислигини юқори баҳолади. Тошкентда давлат раҳбарлари кенгашининг мажлиси ва бошқа тадбирларни муваффақиятли ўтказишдан икки томон ҳам манфаатдорлиги қайд этилди.
Изоҳ (0)