Қарши давлат университети математика кафедраси профессор-ўқитувчиси Шокир Давлатов мингйилликнинг олтинчи масаласига у топган ечим халқаро миқёсда тан олинмагунича, бу ҳақда ҳеч қандай маълумот бермайди. Олим бу ҳақда UZ24 нашрига берган интервьюсида айтиб ўтди.
«Бу ҳақдаги хабар матбуотда овоза бўлиб кетишини хоҳламаган эдим. Ҳозирда илмий ишимни ўрганиш ва аниқлаштириш ишлари олиб борилмоқда. Кашфиётни халқаро илмий ҳамжамият тан олганидан сўнг, мазкур ечим борасида тўлиқ маълумот бера оламан», — деди Шокир Давлатов.
Эслатиб ўтамиз, Шокир Давлатов мингйилликнинг олтинчи масаласи ечими препринтини «arXiv.org» сайтида эълон қилган эди. Хабар беришларича, унда Навье-Стокс масаласининг ягона равон ечими мавжудлиги исботланган.
Илмий иш рус тилида ёзилган, аннотациясининг инглиз тилидаги талқини бор.
Изоҳ (0)