Россиянинг Барнаул шаҳридаги ҳайвонот боғида йўлбарс ҳужум қилган 13 ёшли қиз қонида алкоголь аниқланди. Бу ҳақда Россия Тергов қўмитасининг Олтой ўлкасидаги бошқармаси матбуот хизмати маълум қилди, дея хабар беради «ТАСС».
«Текширувлар чоғида вояга етмаган қиз қонида 0,5 промилле миқдорида алкоголь аниқланди. Терговгача суриштирувлар давомида унинг яшаш ва тарбияланиш шароити, ҳайвонот боғи ходимларининг ўз вақтида керакли ҳаракатларни амалга оширгани, хавфли ҳайвонлар сақланадиган ҳудудга рухсатсиз киришнинг олдини олишга қаратилган қандай чора-тадбирлар ташкил этилганлигига ойдинлик киритилади», — дея таъкидлади матбуот хизмати вакиллари.
Терговчилар ҳодиса жойини кўздан кечирди, тергов учун керакли буюм ва ҳужжатларни қўлга киритди, жабрдийда, ҳайвонот боғи ходимлари ва гувоҳларни сўроқ қилди. Қизнинг саломатлигига етказилган зарарни аниқлаш учун суд-тиббий экспертизаси белгиланди.
Изоҳ (0)