АҚШнинг Кентукки штатида яшовчи 102 ёшли аёл Брешия университетини унинг машғулотларига қатнаша бошлаганидан 60 йил ўтиб тамомлади. Бу ҳақда Metro хабар бермоқда.
Сесилия Мишель Боармэн 1957 йили, 40 ёшида университетда қизи билан бирга таҳсил ола бошлаган. Ўқишни якунламай Кентуккидан Аризона штатига кўчиб ўтишига тўғри келган ва шу билан талабаликка қайтмаган.
Боармэннинг қизи университет маъмурияти ходимасига онаси 102 ёшга тўлгани, бироқ олий маълумот эгаси бўлолмагани ҳақида ҳикоя қилиб берган. Бундан хабар топган олий ўқув юрти раҳбарияти аёлга Брешия университетини якунлагани ҳақидаги дипломни беришга қарор қилган. Уни олганидан сўнг Боармэн мазкур университетнинг энг ёши катта битирувчисига айланди.
Изоҳ (0)