АҚШ президенти Барак Обама Россия президенти Владимир Путиндан Сурия ҳудудида бўлиши мумкин бўлган америкалик фуқароларни қидиришда ёрдамлашишни шахсан илтимос қилган. Бу ҳақда Россия ТИВ расмий вакили Мария Захарованинг маълумотига таяниб, «РБК» хабар беради.
«Бироз вақт аввал АҚШ президенти Барак Обама Сурия ҳудудида бўлиши мумкин бўлган америкалик фуқароларни қидиришда кўмаклашишни сўраб, Россия президенти Владимир Путинга шахсан мурожаат қилди. Амалга оширилган ишлар натижасида улардан бири Кевин Доус эканлиги аниқланди. У ушбу мамлакатга ноқонуний кириш ва бошқа ҳуқуқбузарликлар учун ҳибсга олинган. Бизнинг мурожаатимизга жавобан Сурия ҳукумати шафқат қилиш ва ижтимоий қарашлар туфайли америкаликни озод қилишнинг имкони бор деб топди», — деб ҳикоя қилади Захарова.
The Washington Post маълумотларига кўра, Доус 2012 йилда ҳибсга олинганди. Вашингтон айни вақтда 2012 йилда Сурияда бедарак йўқолган яна бир АҚШ фуқаросини изламоқда.
Изоҳ (0)