Футбол бўйича Испания Ла Лигасининг 32-тури 8 апрель куни «Гранада» ва «Малага» клублари ўртасидаги ўйин билан старт олганди.
Турнинг 9 апрель кунги учрашувларини Мадриднинг «Реал» клуби бошлаб берди. «Сантьяго Бернабеу»да «Эйбар»ни қабул қилган Зидан жамоаси 4:0 ҳисобида зафар қучди. Голларнинг барчаси биринчи 45 дақиқаликда киритилди.
Мазкур ғалабадан кейин «Реал» очколари сонини 72 тага етказиб, «Атлетико»дан олдинги — иккинчи ўринга кўтарилди. Бугун, 9 апрель куни «Атлетико» «Эспаньол» устидан ғалаба қозонса, 2-поғонани қайтариб олиши мумкин.
«Эйбар»га қарши ўйинда 1 та гол урган Криштиану Роналду тўпурарлар пойгасида 30 та гол билан пешқадам бўлиб турибди.
Гол+пас кўрсаткичи бўйича Роналду Луис Суарес билан бир хил натижа қайд этиб турганди. «Эйбар»га қарши ўйинда Хесенинг голига ассистентлик қилганини ҳам қўшиб ҳисобласа, бу борада Криштиану кўрсаткичини иккитага яхшилаб олди — 40 та.
Ла Лига 32-тур беллашувлари 8 апрель, жума
«Гранада» — «Малага» 0:0
9 апрель, шанба«Реал Мадрид» — «Эйбар» 4:0
Голлар: Хамес Родригес, 5 (1:0). Лукас Васкес, 18 (2:0). Криштиану Роналду, 19 (3:0). Хесе, 39 (4:0).«Реал Мадрид»: Кико Касилья, Пепе, Альваро Арбелоа, Хосе Игнасио Начо, Даниэль Карвахаль (Данило, 63), Хамес Родригес, Карлос Касемиро (Матео Ковачич, 54), Иско, Лукас Васкес, Криштиану Роналду, Хесе (Борха Майораль).«Эспаньол» — «Атлетико»«Реал Сосьедад» — «Барселона»«Бетис» — «Леванте»
10 апрель, якшанба«Спортинг» — «Сельта»«Валенсия» — «Севилья»«Вильярреал» — «Хетафе»«Атлетик» — «Райо Вальекано»
11 апрель, душанба«Депортиво» — «Лас-Пальмас»
Изоҳ (0)