Британиялик ёзувчи Жоан Роулинг «Гарри Поттер»нинг дастлабки икки томини ёзган эман стул Нью-Йоркдаги Heritage Auctions аукционида ўзини ошкор этишни истамаган харидорга 394 минг долларга сотилди. Бу ҳақда «Интерфакс» хабар бермоқда.
1930 йилда тайёрланган стул Роулинг 1990 йиллар ўрталарида яшаган Эдинбургдаги муниципал квартирада бўлган. Ўтиргич бўйлаб «Мен шу стулда ўтириб ‘Гарри Поттер’ни ёзганман» деган ёзув битилган. Стул суянчиғига мазкур буюм ҳақида ташқи кўринишига қараб баҳо бермаслик ҳақидаги илтимос ва Роулинг дасхати туширилган.
Ёзувчи 2002 йилдаёқ стулни хайрия ташкилотига топширган, орадан етти йил ўтиб у 29 минг долларга сотилганди.
Изоҳ (0)