McDonald’s директорлар кенгаши раиси Эндрю МакКенна 12 йиллик фаолиятидан сўнг лавозимини тарк этади. Бу ҳақда тезкор овқатланиш тармоғи матбуот хизмати маълум қилди, дея хабар беради «РБК».
86 ёшли МакКенна директорлар кенгашига номзодини қўймасликка қарор қилди. У компанияда жами 25 йил хизмат қилди, шундан 12 йил мобайнида директорлар кенгашини бошқарди. Нафақага чиққандан сўнг МакКенна фахрий раис этиб тайинланиши, унинг ўрнига эса 26 май куни янги раҳбар сайланиши билдирилган.
МакКенна 1991 йили халқаро бозорларда фаолиятини авж олдиришга эътибор қаратган McDonald’s компаниясининг директорлар кенгаши таркибига кирганди. Ҳозирда компания 100 дан зиёд мамлакатда хизмат кўрсатаётган дунёдаги йирик таомланиш тармоғи саналади.
Изоҳ (0)