2016 йилнинг март ойида Тошкент шаҳридаги хонадонлар ижарасининг ўртача нархлари февраль ойи билан солиштирилганда 4,6% га арзонлашди ва 1 квадрат метр учун ижара қиймати 6,2 шартли бирликни ташкил эта бошлади.
Март ойида квартираларнинг ижара ҳақи Тошкент шаҳрининг туманларида турлича ўзгарди. Хусусан, Олмазор, Сирғали ва Яшнобод туманларида ижара ҳақининг пасайиш суратлари юқори бўлди. Шайхонтоҳур, Юнусобод ва Чилонзор туманларида эса ижара ҳақининг кўтарилиши кузатилди.
Тошкент шаҳри бўйича ижарага бериладиган энг қиммат хонадонлар Миробод туманида жойлашган бўлиб, ушбу ҳудудда 1 кв.м. учун ижара нархи март ойида 7% га камайиб, 7,4 ш.б. ни ташкил этди. Ижарага бериладиган энг арзон квартиралар эса Тошкент шаҳрининг Сирғали туманида жойлашган бўлиб, мазкур ҳудудда квартиралар ижарасининг ўртача 1 кв.м. 3,0 ш.б. ни ташкил этмоқда.
Шуни таъкидлаш жоизки, туманлар ичидаги нархларда ҳам анча сезиларли тафовутлар мавжуд. Хусусан, ижарага бериш учун таклиф этилаётган хонадонларнинг энг қимматлари Тошкент шаҳрининг Тарас Шевченко ва Нукус кўчаларида ҳамда Марказий универмаг ва Ойбек метроси атрофларида жойлашган.
Шунингдек, ижарага берилаётган хонадонлар сони бўйича Миробод ва Мирзо Улуғбек туманлари етакчилик қилмоқда, мазкур туманлар Тошкент шаҳридаги жами ижарага берилаётган хонадонлар бўйича таклифнинг 56 фоизини ташкил этмоқда. Ўз навбатида, ижарага берилаётган хонадонларнинг кейинги ўринлари Юнособод ва Яккасарой туманларига тўғри келади ва улар жами таклифнинг 15 ва 10 фоизини ташкил қилмоқда.
Талаб нуқтаи назарида, Тошкент шаҳрида икки ва уч хонали квартираларга қизиқиш катта бўлиб, улар жами талабнинг 71 фоизини ташкил этади.
Тошкент шаҳрида ижарага берилаётган хонадонларнинг ўртача нархи 1 хонали кавртиралар учун 232 ш.б., 2 хоналилари учун 350 ш.б. ва 3 хоналилари учун 523 ш.б. ни ташкил этди.
Баъзи туманлар бўйича квартиралар ижара нархлари (ш.б. да кўрсатилган)
| 1 хона | 2 хона | 3 хона | |
|---|---|---|---|
| Миробод | 344 | 467 | 595 |
| Яккасарой | 137 | 363 | 683 |
| Шайхонтоҳур | 255 | 398 | 615 |
| Мирзо Улуғбек | 206 | 320 | 496 |
| Олмазор | 224 | 289 | 481 |
| Яшнобод | 157 | 227 | 397 |
| Юнусобод | 127 | 264 | 320 |
| Чилонзор | 170 | 231 | 342 |
| Тошкент шаҳри бўйича ўртача нарх | 232 | 350 | 523 |
Ижарага қўйилган квартиралар бўйича тўлароқ маълумотга эга бўлмоқчи бўлсангиз http://uybor.uz/ru/arenda га киришингиз мумкин.
Ушбу маълумотлар «UyBor.uz» порталида ижарага берилаётган таклифларнинг ўртача нарх кўрсаткичлари асосида тайёрланган. «Uybor.uz» ва / ёки «Дарё» нашри маъмурияти, ушбу ҳисобот асосида қабул қилинган қарорлар учун жавобгар эмас. Кўчмас мулк ижараси масаласида профессионал маслаҳатга эга бўлиш учун Кўчмас мулк агентикларига мурожаат этинг.
Реклама ҳуқуқи асосида
Изоҳ (0)