Саудия Арабистони ишбилармон доиралари Мисрдаги турли лойиҳалар, жумладан, Сувайш канали, энергетика, қишлоқ хўжалиги, тиббиёт, импорт ва экспорт соҳаларига 4 миллиард доллар инвестиция киритиши мумкин. Бу ҳақда Саудия—Миср бизнес кенгаши раҳбари ўринбосари Абдулла бин Маҳфуз маълум қилди, дея хабар беради «ТАСС».
Абдулла бин Маҳфузнинг айтишича, кутилаётган инвестициялардан 10 фоизи Миср банклари депозитларига келиб тушган ва 3 ой ичида уларнинг ҳажми 25 фоизга етади.
Маълумот учун, март охирида Ар-Риёдда Миср ва Саудия Арабистони ўртасида қироллик мисрликлар иқтисодиётига 30 миллиард риёл (8 миллиард доллар атрофида) инвестиция киритишини кўзда тутувчи меморандум имзоланганди.
Изоҳ (0)