Дунё миқёсида нефть нархи пасайишда давом этмоқда. Саудия Арабистони иккинчи валиаҳд шаҳзодаси, мамлакат мудофаа вазири Муҳаммад бин Салмон баёноти бозор иштирокчиларининг нефть қазиб чиқаришни музлатиш юзасидан бўлажак йиғилиш борасида ҳафсаласини пир қилди. Бу ҳолат биржа савдоларида ҳам ўз аксини топди, дея хабар беради «РИА Новости».
4 апрель, душанба куни эрталабки ҳолатга кўра, Brent туридаги нефтнинг июнь ойи фьючерслари баҳоси 0,98 фоизга пасайиб, бир баррели учун 38,28 долларни ташкил этган. WTI туридаги нефтнинг май фьючерслари эса 1,17 фоизга пасайган ва бир баррели учун 36,35 доллардан иборат бўлган.
Эслатиб ўтамиз, Муҳаммад бин Салмон Bloomberg агентлигига берган интервьюсида Саудия Арабистони Эрон ва бошқа нефть қазиб чиқарувчи йирик мамлакатлар маъқуллаган тақдирдагина нефть қазиб чиқаришни музлатиш тўғрисидаги келишувга қўшилишини билдирганди.
Изоҳ (0)